Gabaygan inta kooban aan ka helnay wuxuu Aw
Cabdi Muuse u mariyey Walaakii Cali Muuse oo ka guurey Ceel-Afweyn una
doogsin raacay Laascaanood deegaanka ku xeeran. Inkastoo Aw Cabdi uga
digay walaalkiis inaanu oosha ka fogaan misana Cali waa ka dhega adaygay
oo reerkii iyo xoolihiiba wuxuu u raray deegaankaa aan soo sheegnay.
Cali oo aan ciidan ama ool kale oon badnayni la socon waxa lagu
cidhiidhyey biyihii iyo baadkii mararka qaarna looba diidey inuu xoolaha
waraabsado. Warkii Cali markuu Ceelafweyn soo gaadhay ayuu walaalkiis Aw
Cabdi tixdan u mariyey;
Cidijiid markaad gaadho iyo, Coonka kodadiisa
Kolka ceel shisheeyuhu
qabsaday, lagugu caansiirsho
Ma Idaha ciyaaya iyo riyaa, ciidan
noqonaaya?
Mise Awrta caymaha siddaa, qori cabaynaysa ?
Mise
gabadh cishii lala tegaa, culuqtan keenaysa ?
Mise Cali Abaar iyo
haween, baad coliyo beel moodi?
Mise duul calaacal u dhashaa, ciidan
kugu biirin ?
Ilma Caga-Madoobaa yaqaan, cayn rag loo galo e
Mise
Ceel-Afweynkaad nacdaa, cadhadu kuu keeni?
Sida camalku kaa yahay
ayaa caawa ila jooga!!!!
______________________________
Waxa ku deeqay: Jaamac Cabdi Muuse (jamamuse@hotmail.com)
More