Wadaadyahow
Gabaygan waxaa si kaftan ah u mariyey Allah ha naxariistee axmed
Jaamac Moxamed. Wuxuu u mariyey ina adeerkii Aw cabdi Muuse Maxamed
Allah ha u naxriistee .
Waxaa
beryihii hore dhaqan ahaan jirey maamuus ay leeyihiin wadaadadu oo aan
wax hawl ah loo diran jirin. Hadaba waxaa dhacday in beeshii guurtey oo
Karamaan dhulka la yidhaahdo oo
aan ood lahayn degtey . Wadaadkii Aw
Cabdi inta geed hadh leh gogol loo geeyey ayuu iska seexday ragii kalena
waxay ka hawl galeen ood rar lagu sameeyo xeryaha xoolaha.
Waayadii hore Wadaaddada waxaa loo dirsan jirey :
- Meherka
-
Dhaxalka
- Qardhaasaha
- Casharka
- Dhigista Qur'aanka
-
Xaqida qoomaha
- Abaabulka Alla-bariga iyo roob-doonta
Markii hawshii dhamaatay ayaa Axmed Jaamac (Daad) tixdan inta kooban
aan ka helna uu u mariyey Aw Cabdi:
Wadaadyahow adigaan wax tarin, weysa
dhicintaada
Hadba reerka waayuhu ku yamid, wegentablayntaada
Xeedhyaha laguu soo weliyo, weef ka gelintaada
Widhiidhigii ku soo
hadhay, iyo weliba sii eegga
Kolkaad dhereg la weelbaahiso, wiil yar
diradkaaga
Kolkaad jeexa weysada la xuli, daba wahleyntaada
Kolka
aad sabeenaha wadwadi socod wanagaaga
Ninkii adiga wiig kaa qabsada
wig iska siintaada.
Aw cabdi yaa tixdan ugu jawaab celiyey
Axmed Jaamac Daad
Kolka reerka waayuhu
ku yamid, weliyo doonkaaga
Wadaadkii xagee maray guryaha, kula
wareegaaga
Sidaad wiilashaydii tihiin, ii wadwadadkiinna
Xeedhyaha
la iisoo weliyo, ila wadaaggiina
Faataxada goortaan wadwado, iyo
weliba aamiinta
Calaacalo waraabaha ka weyn wadhi ogaantiina.
______________________________
Waxa ku deeqay: Jaamac Cabdi Muuse (jamamuse@hotmail.com)
More