|
|
 |
|
 |
| |
| |
| |
DawdarFalan
Maxamed
Aadan
Caws "Yawle"
Ninka La odhan jirey Maxamed Cumar Dage oo guubaabainayey
Dhulmahante ayaa dhawr gabay iska danabaysiiyey. Gabaygan
wuxuu ku guubabinayaa
Dhulmahante inay dilaan niman cuqaal ah oo reer Burco ah.
Guubaabadan wuxuu Ina Cumar Dage kaga jawaabayay tii Cali
dhuux. waxaa ka mid ahaa gabaygiisaa
Sheybiyo haddii aan la layn ina
shiraa Jaamac
Haddaan shiqiga colujoog ka tegey loogu shalax siinin
Ararsame shafkii maaha iyo shuunki reer boqore
Hanasheeganina waxaydin dhalay beliyo shaydaane
Sanadkaasuu misana soo gabyoo tirshey gabay kaloo guubaabo ah
oo ku kicinayo dhulmahante kuna tilmaamayo guulo uu leeyahay
waxay u soo hoydeen ogaadeen. Wuxu ka mid ahaa gabayga
danbe ee Maxamed Cumar dage
Ogaadeen Dannood iyo dig iyo durugsey
ceelkii dheh
Deegaanka Xagarreyna waa degel Makaahiil dheh
Daaftii Garaad Faaraxbaa daad ka soo galay dheh
Halkaa markay marayso ayaa Cali dhuux ugu jawaabay Ina Cumar
Dage sidan;
Gunbaan ahay ganbocad ban xidhnay iyo
garnaagode
gashaantida sidedoo kalaan guur u sugayaaye
Anigiyo hablaha loo galmoon waa gudboonahay
Jeer oon ganboorka iska rogo guudka iga saaran
Godobtaydu HabarYoonis waa lagama goostaane
Ugaadeenka noo soo gabyow waa gar xaajaduye.
Yawle oo ka jawaabaya gabaygaa Maxamed Cumar Dage iyo
calaacalka Cali dhuux wuxu yidhi. wuxuu yidhi:
In dhaweydba doodiisa gabay daayayoo
dhigaye
Dahrigayga waataan ka jaray dihashadiisiiye
Marba aniga oo daayey baa mid i danqaabaaye
Caawana digbaa igaga timi Haradi Doolloode
Hadba dawdar falan baa ka kaca nimanka Daaroode
Wixii Daarufley laga samray bay dibada keenaane
Dadka oo nabad isaga joogabay dacar ku oogaaye
Ina Cumar Dagoow waxa la yidhi diidde nabadiiye
Dekenada Isaaq waa beryaba waad dewerisaaye
Docmo nimanka yaalbaad intaa duula leedahaye
Dadka kama xishootaan markaa dili karaysaane
Siday dawladuu ugu kulmeen dunida hoosteeda
Anagu deyney Dibisyoonadii nimanka Daaroode
Denbi kama shaqayniyo colkii diiqanlayn jiraye
Dullinimo sidaa nooma gelin daacadda Ilaahe
Dabci gobannimaan leenihiyo dul iyo misaane
Daratoole iyo Caado oo wada diraabaaya
Danbar kulule daahyaalihii Deero laga qaaday
Markii udubkayagu daadsanaa Daaqatiyo Faafan
Ee geelayagu diisha dheer daaqa ka idleeyey
Goortuu dubbuu nagaga dhacay Dalalna ooyaayey
Duqa Cali ogaadeen markuu diradiraynaayey
Daa'ima caruura iyo markuu doqon ku sheegaayey
Dorraad hadalku waakii ahaa Doollo laga qaadye
Ma dabkii Talyaanigu qubaa daafad kugu biirshey
Ma dibbaa naloo tumay raggii dilayey sow miihin
Dalkan laysku haystaaba waa degeladiiniiye
Xagaa durugsateen gabaygu waa idinku deelqaafe
|
|
|
|
 |
|
 |
|
