Yawle&Hinnig
Yawle(Muuse Ismail,HY)
iyo Cabdullahi Hinig (HJ,R.Daahir)
Yawle iyo Cadillahi hinig oo ka yaraa ayaa dhawr jeer isu
gabyey. yawle ayaa yidhi "Cabdilahiyow horta Ragannimadan
halkaad kala soo baxday".
markaasaa yawle u gabyayoo yidhi. |
| |
Cabdillaahiyoow
dhiilahaad culi taqaanniine
Cinjir Qaylo iyo Faayo iyo cidhifyadaa buurta
Adhi caynta lagu foofiyaad celin taqaanniine
Shan gu'baad rag lama caasiyee calan lahaydeene
Markii Caabbi booy laga dhigaad curub is mooddeene
Caqligaad ka wada half tihiin sida caruureede
Caadadii adoogaa lahaa waa cad kugu yaalle
Caloola-cadna lay sheeg inuu cararay dhuunjooge |
Yawle wuxuu ku eedeeyey
Cabdillahi in awowgii cararay colaaddii CaloolaCad la baxday
ee Daahir Faarax iyo Axmed Faarax(HJ) isku jareen.
Cabdillaahi oo u jawaabaya Yawle ayaa isna tirshey gabay aan
ka hayo. |
| |
Dalkaba kuma
heshiiyee hadduu diriray reer Faarax
Dooxada agteediyo hadduu daadka ku colloobey
Haddii laydin dilo sowdinkaan diiri jirin maaha
haddii laydin diro sowdinkaan diidi jirin maaha
Dawlisyada Galoolka ah sowdinkii diiran jirey maaha
Doobiga riyaha sowdinkii diiqan jirey maaha
Ma Dawaad cabteen sowdinkii debecsanaa maaha
|
