|
|
Salaan
Carrabey iyo
Seed Cawed (HJ)
Labadan abwaan waxay leeyihiin silsilad gabayo ah oo dhex martay oo
aan na soo gaadhin balse ay nagaga soo duushay dhawr tuduc. Seed Cawed
wuxu ahaa nin gabyaa ah isla markaana ahaa geesi ninkuu jalleecaa
sakati iyo rucub ilaah ku rido. Waxa la sheegaa silsiladda dhex martay
ka dib in rag Salaan ku eedeeyeen inuu Seed ka baqay taasoo uu Salaan
Carrabey kaga jawaabay "Bal car aniga mooyee nin intaan idhi kula
dhaca yeesha".
Gabayada munaasabadahooda ma hayno laakiin silsiladaha waxa ka mid
ahaa gabayga uu Salaan Carrabey lahaa;
Seedoow qudh duushaa ka daran xaraf qalloocdaaye
Qoodhaleydu waysugu mudhaa qab iyo Maandhaafe
Iyo mid kaloo Salaan lahaa oo ay erayadiisa ka mid ahaayeen;
Hadduu kuu fayow yahay wadnuhu faro ha xaalayne.
Seed Cawad jawaabihiisii waxaan ka haynaa isagana laba gabay oo aan
midba laba beyd ka hayno.
Gab baan kugu odhanlaa sidii aar geel u soo
dhacaye
Gii-giida waxan diidayaa, guriga ii dhow'e
Waxa kaloo ka mid ahaa gabayga uu Seed Cawad isna lahaa;
Dhalool waxa la biday reerkayaga dhiigga
fuuqsada'e
Allahayoow Salaan dhiirranaa, dhaygag bay dilaye |
