Xirsi Boqon oo ahaa gabyaa weyn oo noolaa muddo qarni iyo badh haatan
laga joogo waxay erayo is weydaarsadeen Ina Jadeer iyo Raage Ugaas oo
waagaas galbeedka Somalida maansadoodu caan ka ahayd.
Xirsi Boqon oo aan curinta maansada lagu aqoon ayaa isagoo
maansa-boolyaya waxa la hadashay Hawwenay aanan hubin inay u dhaxday
isaga iyo inay dumaashidii ahayd. Haweentii waxay kursi malaha kula
kaftantay in maansada Raage Ugaas iyo rag uu ku jiro loo ogaa isna uu ku
dayanayo (Ma hubo sheekadu inay sidaa u dhacday). Xirsi waxa uu yidhi
isagoo gabyaya.
Ninkii Raage oday buu noqdoo laga itaal roone
Ardaydaan ka tegeybuu ahaa Alif-bilawgiiye
Albaqraba ma gaadhine hadduu dhigan Idaaja'e
Halka Ina Jadeer ka onkadaa awrta loo rari'e
Aan ardaayo wada oodanee waa inoo idhanka
Ina Jadeer oon jeclaysan gabayga Xirsi Boqon iyo ammaanta uu ku sheegay
ayaa marshey tix aan ka xasuusanno;
Aduunyadan inkaarta iyo isha iyo aakhir saban joogta
Ee aqalba aqalkuu u xiggay ka ololaynaayo
ee ubax cadkeedii lumay ee obalasku u muuqdo
Ninka Awr u soo raranayaa mid an ogayn weeyi
More