Gabaygan wuxuu Muxumad tirshey ka dib markuu geel ka dhacay nin Buubaal
la odhan jirey oo Reer Liibaan (Sacad Muuse, HA)ahaa. Geelaas wuxu
Muxumad ula galay Nuur Xaashi oo ay saaxiib ahaayeen iyo reerkooda.
Reerka Nuur Xaashi ka dhashay ayaa ku taliyey in ninkaas geeliisa la
dhacay ay iyagu geel u ururiyaan wixii irmaan ahna geela ka celiyaan.
Markii arrinkaas dhacay ayuu Muxumad Liibaan tirshey tix aan ka hayno;
Anigu luunka kuma seexan karo, lahanka jiilaale
Luqma looshka haw ururiyeen, nimanka liibaane.
Buubal laxdiisa ha dhaqdee lada u yeedh yeedha.
Waxa dhacday in Ina Jadeer geel kale ka soo dhacay Ciidagale isla
markaana laba nin ku dilay markaasa Sacad Muuse tashaday oo yidhaahdeen
Ciidagale dagaal iskumaynu ogayn ninkanina wakaa geela soo dhacay ee
maxaynu yeelaa kana qaadi kari mayno oo waa nin ba'ane.
Oday adeerkii ahaa iyo innamo uu dhalay odaygu ayaa yidhi habeenkii
kolkuu awrka qasho ee uu hilibka ka dhargo ayuu iska furaa toorida iyo
waranka hubka uu xidhanyahay ee aynu gaadno wakhtigaa oo aynu qabano.
Hadalkii ayaa rag kale kasoo hor jeedsadeen oo yidhaahdeen ninkani waa
nin geesiga reerka ah ee qabasho iyo waxaa ula tagi mayno maxayna ku
taliyeen inay iyagu geel u ururiyaan mag dhaw ah oo Ciidagale siiyaan .
Warkiibuu maqlay oo rag saxiibadii ahaa u sheegeen in odaygii iyo
inamadiisii talada qabasho keeneen balse ay ku diideen haldoorkuu
yaqaanay ninkani inuu nin halisa yahay.
markaasuu gabaygan tiriyey. wuxuu yidhi muxumad liibaan jadeer.
Nin i luray, nin igu laagsaday kolkuu, rag isku laanjiiday
Iyo nimaan lurkaygana jeclayn, libinna ii diiday
Intaasuu isugu laalanyahay, loolkii ii xigaye
Anigiyo duq lawlawsadaa saw makala laydhsan.
Dabcan ma dhama gabaygu
waa intaan ka xasuusto
___________________
Waxa ku deeqay:
Fuaad Cumar
More