| |
|
|
Casayr Cali Aw Aadan (HJ)
Suufiyadu aad bay ugu badnayd Soomalida sidaa darteed baa wixii wax ka
sheega xadrada, mawliidka, siyaarada iwm loo tixgelin jirey qof xad
gudbay. Gabaygan kooban wuxu Casayr ku durayaa wadaad uu Wahaabi ku
tilmaamay oo malaha wax ka sheegay dhaqammada suufiyada ee kor ku
xusan.
Wadaadyohow magaalada adaa, waalayoo rogiye
Weli baannu kuu haysanniyo, Waalli soo degaye
Wacdaan adiga kaa eegayiyo, waano aakhiro'e |
| |
|
Wareer gelisey uunkii sidaad, tahay Wahaabkiiye
Is waraarintaada iyo qoortanaad widhif ka siinayso
Wanaag adiga waa kula tihiyo, war iyo moog-mooge
Whiskey baad malaa fuudday, iyo Waynki gaalada'e
Wallaahaan ku dhaartee ka xumid, waaxidkii Jahal'e
Waxad webi Ganaane uga timi, hadal warraaqiise
Wadan kale la qabo waatanoo laysu kaa weriye. |
|
