Gabaygan wuxuu Xuseen Xasan u tiriyey beelo Ciidagale ah oo malaha inta la colloobay oo uu Xuseen ka guuray oo niman reerahaas ihi ku eedeeyeen Xuseen inuu baqday oo  uu hullulo oodan iyo Ugaadeen dhex degey. Soomalidu waxay ku maahmaahdaa "Haddii lagu sheegana waa lays sheelaa; haddii lagu sheelana waa lays sheegaa" sidaa darteed buu Xuseen nimankaa xusuusinayaa wuxuu galo iyo wuxuu gudo.

Gabaygu ma dhamma, Mana saxna

 

Caynaanka gabay waanigii, cawro ku ahaaye

Cadaab iyo denbaan kaga baqee, waa cayimadiiye

Carrabkayga maqal caasiyow, caalin baan ahaye

 

Cod yar waxan u naqay uumiyii, cayda laga keenay

Cod yar kalena way niman halkii, laga canaan saaray

Cod yar kalena way baha Canbaro, midan ku cayntaarshey

Cod yar kalena way aniga iyo camalladaan sheegtay

  

Cod yar waxan u naqay niman halkii laga canaan saaray,

Cirku guga canbaarkii horuu, caajis leeyahaye?

Geeddiga cayuuqnaye haddii, caynka lagu giijey

Casaankii Afmeer niman ku hadhay, nooma carayaane

Ma cidbuu ka baqay reerku, sow caano lama doonan

 

Ismaaciil cagaarkii dhexuu, coodan daaqsadaye

Maxamuud cadkuu cuno hadduu, cunaha weydaarsho

Oon cudur ilaahay ku bixin, curubta reer Yuusuf

Ninkii cidhifka soo qabo yidhaa, calal miyuu qaaday

 

Cod yar kalena way uumiyii, cayda laga keenay

Cimrigeed carrada reer Isaaq, cidaha iidoora

Sheekada cirroolaha intaan, cumar ka soo gaadhay?

Intay Baho is caabiyanayeen?, lana ciseynaayey

Carfigu reer Ducaale, yo anuu igu cillaallaaye

Inta kale carsaanyay ahayd, cuudka noo jira'e

......... Guuleed Casiyo, cuurka Dhamal Aadan

Weli caday ba Cawlooy ma jebin, cududihiinniiye

Ciirada dushiinnaa tolkiin, idin canaantaaye

Intaan Caliyo Haaruun ka diley, ciiddan way tahaye

Cid ka sheegta ciiddoo kaluu, cunay waraabuuye

 

Cod yar kalena way baha Canbaro, midan ku cayntaarshey

Dhawr goor cantoobsade waxay, ku cammirraayeene

Cunto raashinaa laga wataa, curadki reer Nuure

Cayuunoow maxaad fali, haddaan cidi ku deyneyne

 

Cod yar kalena way aniga iyo camalladaan sheegtay

Haddii Caawin geel lala tagooy, ciiro kor u duusho

Casarkiiba siigadu hadday cidhif? ku leexayso

Faras ciidan gala iyo haddii, calaf la kooreeyo

Cimri-dherer fuluhu kuma baxsado, carari doonaaye

Aniga Caara-Muuslaha kolkaan, rag isla caal moodno

Nafta lama cabsoodee kolkaan, coofka bahal yeesho

Cirfiidna ha noqdee warammadaan, culuq ku reebaaye

Maalintaa sidii cudur wax dila, cadawnimaan sheegtay

 

Marti culus caweyskii haddii, caynta lagu sheego

Goortuu bakhayl curufsanyaan, caafimaad ahaye

Culuq iyo Bariis waxan hayiyo, cabudlahaan loogey

Weelkaan caddiinta ugu guro, culimadaan sheegtay

 

Heensaha casuustale haddi, caynab lagu faayo?

Carfigaan lahaan jirey hadduu, caannimo u muuqdo

Ceeb laguma faanee haddaan, curiyo dooddayda

Cod xun lama dhawaaqee, haddaan ................

Ceelkii Jannada Eebbeheen, caasha haw daro'e

Cawilkii adeerkay ahaa, camalki baan sheegtay

 

Aarkii Cadceed iyo cadceed laga cabsoonaayey

Goortii la wada caageybaan, ceerigaw baxaye

Beeshii ciqaabnaa hadday, caano dhamayaane

Intuu cunay intii carartay baa, ka cabsi waallayde

Calaydh maalintaan dhigay, dadkii inu cisaan sheegtay?