Raacdeeye (HJ)
Muuse Ismaaciil ayaa geel ka dhacay Reer Yoonis(HJ). Reer Yoonis baa
ergo soo diray ah in geela loo celiyo markaasaa nin Muuse Ismaaciila
oo aan magaciisu na soo gaadhini gabay ku yidhi;
Hashaan Cadayga Oog iyo ka helay cadawga reer
Yoonis
Haddaan celiyo Eebboow adduun caynna ha i siinnin
Reer Yoonis ayaa markaa duullaan qaadaya oo geel ka soo dhacaya Muuse
Ismaaciil. Gabyaagii geesiga ahaa ee Dhunkaal oo Muuse Ismaaciil
ah ayaa Reer Yooniskii geel ka dhacay iyo Barre Adarxmaan oo
walaalahood ah u imanaya isagoo leh waataynu heshiinnaye maxaa u wacad
furteen waxana gabaygiissii ka mid ahaa.
Waataa Barriyo Yoonisoow boholo jeexdeene
Waa Beerdhigoo kale sidaa nooga bogateene
Waa baatirtaydii hashaad badaw lisaysaaye
Ergo balasle waayeelku waa bixitinsiiyaaye
Maxaynoo ballana maanta waa kala boqoolkiiye
Maxamuud Raacdeeye ayaa isagoo gabaygii hore daba jooga gabyay oo
yidhi;
Hashaan caaradhuubtiyo ku helay cudadda reer
Yoonis
Calgalkii Bah Gumaroon hashaan carar ku dhaafsiiyey
Haddaan celiyo Eebboow adduun cayna ha siinnin
Note: Taariikhyahannada qaarbaa taariikhda
u weriya in geela marka hore laga dhacay Muuse Ismaaciil. |
