Geeraarkan kooban waxan ka helnay abwaakii weynaa ee Qaalib Xareed
oo noolaa qarnigii 19aad;
Col Ugaadeen ah oo gaade ah baa
laga war helay oo la gumaaday. Qaalib geeraarkan ayuu goobtii ka tirshey
isagoo Ogaadeenkii ku leh waad soo anbateene maad reeraha jilicsan
doonataan maxaa reer Reer Xergeeye Xaad idiin keenay. Geerarka wuxu ku
durayaa niman ay wada dhasheen reerka Qaalib oo uu dhaliilayo
Ugaadeenkana lee yahay qolyahaasi idinma waabiyeene maad iyaga
weerartaan maxaa noo kiin keenay;
Miyaa soo dhama'deen
Ma dhedaa idin keentay
Ma dhulkaydan aqoon
Reer Xergeeyahan(1)
dhaataye
Wada dhiigyacabboobee
Dhasha Caynab ku jooga
Maxaa dhankiis idin keenay?
Caliyood(2)dheddigooboo
Naaguhuun ka dhalaaya
Ma dhankooda martaan
Cumar Aadan(3)
dhergoo
Dhiishiisuun lulanaaya
Maa dhankooda martaan
Cabdigaa(4)
dhammandaada
Ee nacayguun dhuranayaa
Maa dhankiisa martaan
______________________________
(1) Reer Xergeeye Xaad waa qolo Reer
Yoonis ah (Jibril Abokor)
(2) Caliyood= Baho etc.. waa jilibbo Jibriil Abokor ah
(3) Cumar Aadan Uurkuraag Jibriil Abokor
(4) Cabdi Cali= Jilib Jibriil Abokor ah
More