 |
Adduun gaban ah
ubad wada habla ah, oori kululaatay Waa waxaan sidaa ula engagay, urugadoodiiye Ilma-adeeradaaa geela way, igu ag maalaane |
||
 |
| Home | Gabayo | Maqal | Abwaan | Halqabsi | Halxiraale | Sheekooyin | Siyaasad | | |||
| Xamdu Mahad Xasan Gabay (HJ) Xasan Gabay wuxuu ahaa abwaan weyn oo aad murtidiisa loo xiiseeyo. Gabaygan soo socda oo aan dhammayn wuxu abwaanku u diray wiil uu dhalay oo qurbaha ku maqnaa waagaas. Xasan oo sabaan xumi helay wuxu u yeedhay wiil wax qori jirey oo uu ka dalbaday inuu waxa uu u meeriyo uu qalinka ku duugo si uu ugu dawiyo wiilkiisa oo uu daryeel xumo kaga cawday; Adduun gaban ah ubad wada habla ah, oori kululaatay Waa waxaan sidaa ula engagay, urugadoodiiye Ilma-adeeradaaa geela way, igu ag maalaane Ayaantii kastaba boostadaanm ku ag wareegaaye Haddaan aradka gaalada fadhiyo, kuma ilaaweene Haddaan aabahaa ahay maxaad, ii anfici weday Wiilkii markuu gabaygii helay ayuu aabihiis hanti xoog leh u soo diray. Xasan markii uu dhiishii fakhriga dhigay ayuu waraaq kale oo gabay xanbaarsan u diray wiilkiisii isagoo ay erayadiisii ka mid ahaayeen; Xamdu mahad Allaa igu xawilay weled xalaaleede Xamdu mahad anaan xoogsan baan xaynka buuxsadaye Xamdu mahad sidii Xaakimmada la igu soo xoonye Xamdu mahad xigaal iyo tol iyo xidid haddaan yeeshay Note: Gabaygan oo aannu hore ugu tiirinnay Qaaje Balas waxa leh Xasan Gabay. Gabayga abwaan kale oo Faarax Daad la yidhaahdana waa lagu sheegaa balse waxan ka xaqiijinnay rag badan oo suugaanta taariikhdeeda yaqaan kuwaasoo caddeeyey in gabayga Xasan lee yahay. |
||||
 |
Copyright 2000 - 2002 HoygaSuugaanta.com |
 |