 |
| |
|
|
| |
Voice over Internet Protocol, also called VoIP,
IP Telephony,
Internet telephony,Broadband telephony, Broadband Phone and
Voice over Broadband is the routing of Voice conversations over the
Internet or through any other IP-based network |
|
| |
|
|
| |
 Maxamud Saleebaan Xirsi
|
|
|
|
Habar Jeclo - Solamadow
|
|
|
|
Qurjiile
|
|
|
| |
Gabaygani wuxu ka mid yahay gabayadii laga
tiriyey dagaalkii Qurjiiluhu damacsanaa inay ku soo ceshadaan Geyiga
Cayn iyo Nugaal Godan oo hore looga maroorsaday. Gabaygani wuxu abwaanku
wax ugu sheegayey nin Qurjiile ah oo gabay aanu aqoon ab iyo isir-toonna
u lahayn isla soo qalluufay oo damcay inuu abwaanka canjilo.
Qorshe gabay Salaan baa yiqiin amase qaynuune
Isagaba horaa loogu qiray loona qumi waaye
Murti qaro leh hadal qaaliyiyo qodob markay joogto
Oo waatii iyana loo qarridhay qoyski reer fadal
Qamaan iyo Calaa ugu dhowaa wiil u qoor lula'e
Iyana inay qulub kala tageen buugaggaa qoraye
Qarnigii danbena waxa ku jira quburo waaweyne
Oo Qays iyo Hadraawaa dhaxladay qaafki maansada'e
hayeeshee waxay qaabilaan qodadka roonroone
Anigana waxay ii qorteen qiil yaraa kacaye
Bal ka qaybgal waatanoo illeen tuhun ku soo qaadye
Qalinduurre reeraa ku qalad qaari baan ahaye
Isba Quluwallii uu bartuu kaga qadhaabtaaye
Markuu Macallin qaadiya arkiyo weli quraan ruuga
Isaguba inu gelin ka qaxo kuma qalloocnayne
Ninna hadduu sidaada isu qabo geesi hanaqaaday
Hanjabaadda qaarkeedna waa la qummanaataaye
Mar hadduu quruumaha afxumo qalada gaadhsiiyo
Asuu wiil qalqaalliyi helo oo saaro laba qaare
Qudha inuu difaaciyo inuu qubo wuxuu haystey
Marka waranka lala soo qabtuu yahay qiraalkiiye
Fulena qaybta hore waa yaqaan kor isu qaadqaade
Kolba qolo shiraysuu warmaa kula qamaamaaye
Goortuu qardoofada arkiyo belo inay qiiqday
Qarjaf yidhi baqaha waa nimaan talo qaroomayne
Adna qaabadaa inada tahan qaarta ku hayaay
U quturatay Aar qawdhamoo qaday habeenkiiye
Markaad qawlalkiisii gashaad garatay qoomaaye
Isma soo qalluufteen haddaan qaamudkaa geline |
|
|
|
Abwaanka gabay ma ka haysaa?
Halkan noogu soo tebi |
|
|
|
|
|
|
