Gabaygan wuxuu
abwaanku uga warramayaa dhibaatooyinkii qurbaha lagala kulmay asagoo
dadka ku boorrinaya inay dalkoodii hooyo dib ugu laabtaan.
Dul ahaanba Soomaalidii debedda
soo aaday
Duqadiyo barbaartuba ku lumay deggelo sheeydaane
Dayow
iyo weerar baa ku dhacay duulashii tegaye
Dawgiyo jidkaad martaba rag
baa jiifa oo dedane.
Kuman doorsan kumanyaal dibjiray kuman
dugaagoobay
Kuman qaad daliigoo sidii adhiga daaqaaya
Iyo kuman
khamrigu daashadoo daasad wada haysta
Iyo kuman xashiishadi dishoo
wada daroogaysan
Iyo kuman khamaar lagu diroo faras ku daandaamay
Iyo kuman dalooshaday dhagtoo dahabka laadlaadshay.
Iyo kuman timaha
loo daboo dumar la moodaayo
Iyo kuman naftoodana dayacay ehelna
doonaynin
Iyo kuman dafiray aabbe iyo hooyadii dihatay
Iyo kuman
durriyadday dhaleen dub u xanuuneynin
Iyo kuman dalaaqoo ka tagay
Dahabadii xaaska
Iyo kuman damiinoon fahmayn deriska loo meersho
Iyo kuman aqoon kale ka dama diina garanaynin.
Iyo kuman sidii awr
da`furay dacayda laallaadin
Iyo kuman dareenkiyo shakiga
doqonniimow raacdo
Iyo kuman ibleys duufsadoo gaal ku dayanaaya
Iyo kuman dalkoodiyo afkiyo diida dhaqankooda
Iyo kuman xil iyo
dawlad iyo qaran danayneynin
Iyo kuman siyaasad ku dawakhay dabin
u qoolkeeda
Iyo kuman dorraatiyo wax tegay dumin ka sheekeeya
Iyo
kuman degaankiyo bulshada deyr u kala ooda
Iyo kuman belaayada dab
iyo digo ku nooleeya
Iyo kuman dil iyo xaasid iyo diradiraw
yeelan
Iyo kuman dadaalkoodu yahay doorkan qudha taajir.
Intaasaa
dadkiinnii ku jira debedda dhoobnaaye
Doog raaca geeddiga rarmay oo
meella degi waayey
Dib baa looga sheekayn haddaan laga
digtoonaanne
Duli aan Ilaah idinku qaban ayaan la daa`imine
Dalkeenniyo dadkeennii qabtoo dib u soo dhoofa.
More