Mire Gundhiddin & Maxamuud Gaballaax
Mire Gundhiddin iyo Maxamuud Gaballaax waxay ka mid ahaayeen
gabayahannadii Habar Jeclo ee badhtamihii qarnigii tegey gabyi jirey.
Labada abwaan waxay in badan ka gabyeen dagaalladii Qurjiilayaasha
lagu naafeeyey ee dhulka badan lagaga qabsaday. Mire Gundhiddin ayaa
dhawr gabay iska daba tiriyey oo ay ka mid ahaayeen
1.
Adeeroow adaa guurtiyee gabay an kuu dhiibo
Haddaad Gaanka Habar Yoonis iyo ciidagale gaadho
Galaw baa ka ciyey ayahay Goray ku beerrayd dheh
Galaan lama darsado Laasihii wada guduudnaa dheh
Gaajiyo harraadbuu Hartigu gii'da la hayaa dheh
Baabuuradii guuxi jirey nagama gooshaan dheh
Gaadh baa biyihi laga hayaa godanki Caymeed dheh
Gildhigaanno iyo baa rakiban gumuc rasaaseede
Markaasaad guhaad nagu dishaan goor iyo ayaane
Kala gurannay nimankii haddaa geli lahaydeene
Guddoon baa u dhacay reer Isaaq gees u joogaba'e
2. Mar kalena isagoo Habar Jeclada guubaabinaya waa kii Mire lahaa;
Isagoo habeeddii lehoon cidi ku hawshoonnin
Imikaa halmaraleey gurracan lagaga heesaaye
Hartigii sinnaayoo ma jiro kala horrayntiiye
Inkastood hablaha saaciddaan laysku heli waaye
Habar Jeclooy nabad waad jeclayd helise maysaane
Mar hollada Haweenkuba galmada hadal la'aan diidye
Jawaabtii
Maxamuud
Gaballaax
Ina Gaballaax oo Reer Daahir ah ayaa Mire Gundhiddin oo Solamadow (HJ)
ah u diray gabaygan uu ku lee yahay idinku malaha waad u tudhaysaane
na suga intaannu saannadda u cabbaysanayno. Sida uu gabayga ku sheegay
Ina Gaballaax, waxa Dayrtiiba dhacay dagaalkii Goldheero ee lagu
wiiqay Reer Koombe.
Solamadow hadday Geed-Quwaax saari kari weydey
Saaqiya dusheedii haddii saaka lagu sheegay
Safarkii hadduu nooga yimi Saylac iyo xeebta
Siigada dushaasaa haddeer laga sifeeeyaaye
SanDhurwaalayaashii haddii soodhka lagu taagay
Sunta waxa la tuuryaynayaa sagalka dayreede
Iska suga Miroow idinku waa sahashanaysaane
Gabaygaas wuxu Mire Gundhiddin kaga jawaabay tix
ay erayadeeda ka mid ahaayeen.
Soddon
reer oo Shirshoore ah, haddii la isu kay saaray
Oo
Geed-Quwaax lagu sakimay, waa si kale doone
Sannad
buu dagaalkani socdaye, waa ku selesheene
Iska
Seexda weligiinba waad, samir dhaweydeene.
==================================
3. Aadan Carab ninka la odhan jirey ayaa markii Gundhiddin dhawr jeer
gabyey oo libin ku geeraaray is hayn waayey oo laga hayaa;
Haddaan Guniyobaareeg afxumo guuna laga keenin
Gundiddin iyo gabaygiisu waa geed iskaga laale
Gundhiddin wuxu gabaygaas kaga jawaabay tix ay ka mid ahayd
Maxaad geed ku laashaa ilaah kugu galoolleeye
==================================
4. Gabayganna intiisii badnayd iyo ujeedaduu ku baxayba way naga maqan
tahay;
Magaaladan Shiriif iyo Hayaag ka hindisoonaayo
Ee haaramiintii Wacays hoy ka geli waayey
Ee Hagar ka meermeerayee hadalka loo diidey
Ee Cali ka haayiray intuu haanta koru qaatay
Bal inay hagaagtiyo inay hiif ka bixi weydo
Halka Khaalid Habarwaa xukumo la hubsan dooneeye |
