|
|
 |
|
 |
| |
Shuhuboobe
Cismaan
Aadan
Dibi
"Guniyobaareeg"
(HJ)
Ciidamo Daraawiish iyo Bah Geri ah ayaa weeraray dhulbahante
galbeed. Ciidaankaas waa la jebshey waxana halkaas gabay ka
mariyey Cali Dhuux oo ku taamaya guusha tolkiis haleelay. Cali
Dhuux wuxu Carrabka ku godey Habar Jeclo oo uu tilmaamayo in
ayaga lagu soo khaldamay balse hadday habar jeclo humaajiyi
lahaayeen ay guul la gurya noqon lahaayeen.
Waxa ka mid ahaa gabaygaas Cali Dhuux tirshey.
Cayuun Shacabka wiilkii lahaa shaah
ka karinaayo
Waayeelna xeeb uga shir tegey maleh shirshooruuye
Sharba idinma daareen haddaa shalay na dhaaftaane
Dar aan idin shiddeeyeenba waa naga shisheeyeene
Gabaygaas jawaabtiisa waxa Cismaan suagayey 23 sannadood.
Waxay muujinaysaa dhaqan wanaagga gabyaagii hore oo ah inaysan
gabayga iska marin jirin ee ay u miidaan deyi jireen oo hadba
midhka ay rabaan ay madashii ku habboon ka marin jireen.
Majeerteen (biciidyahan) ayaa ku soo duulay Dhulbahante
Galbeed oo indhahoodoo shan ah waxay geel lahaayeen meersaday.
Faankii Cali Dhuux iyo faduushii Habar Jeclo u geysey ayay
noqotay inuu midhaheeda durduurto. Cismaan Aadan oo tilmaamaya
sida loo galay nimankii Dhulbahante kuna diganaya ayaa marshay
tix aad u qurxoon oo ay naga soo gaartey erayadani macaanka
badani.
Wuxu yidhi Cismaan Aadan (Gun iyo Baar eeg) isagoo warbixin
siinaya Salaan Carrabey; |
| |
Shilka dhacay
Salaanoow miyaan weli lagu sheegin
Sheekada God-dhuub timi miyanay shaaca ka cadaanin
Shangaliyo Dhulmahantoo fadhiya shiilcaskiyo ceelka
Ayadoo shirkoodii dhan yahay sheybe iyo wiilba
Oo qoriga lala soo shirtegey kun iyo shii' gaadho
Shanbacood la naar nimanku waa shiqibka Daaroode
Shaki maleh Majeerteen inuu Sheemo weeraro'e
Iyadoo Shamsadu soo baxdoo waagu shararaaxay
Shifay uga dareersheen xeryii laguma shaaddayne
Laye laba shanaad raacdadaa daba shanbuurrayde
Shanlahooda goortay arkeen ama shallaadkooda
Ka shakiye? markii loogu yimi sheedda Dhagaxley'e
Ararsame shafku dhigay siduu shuux ku soo dhacaye
-------------------------wadnaha shiil Allaw dhigaye
Shimbirawga ciyey Ayihii wada shareerraaye
Shullaweynta rer hagaar ma gelin shaaxin dirirtede
Shuhuboobe nimankii lahaa shayga saa'idahe
Hadhowbaa hagoog lala shuxlayn shacabka caymeede
Oo geelayaga biir la shubay loogu shiikh noqone
Shurbaddii magaaliyo maxaa shaaha lagu fuudi
Sharafmaa hablii Khaalid dhalay lagula sheekaysan
|
|
|
|
 |
|
 |
|
