Hoyga Suugaanta waxa sharaf u ah inuu idiin soo bandhigo murtidii miidda ahayd ee Abwaan Cabdi Hawd Carab. Abwaan kasta suugaantiisu waxay ka tarjuntaa garaadka iyo fikirkiisa siyaasadeed, waddani, iyo qof ahaanba. Cabdi oo ah abwaan weyn wuxu ku caan baxay suugaan ka hufan qabiilka oo gabay-canjillaadu ku kala qoqobaan ummadda walaalaha ah ee Somaliyeed, taas oo ka marag kacaysa xeeldheerida garaadkiisa. Inkastoo Cabdi yahay abwaan hibada gabayga, geeraarka, iwm Eebbe u haneeyey, haddana waxa xusid mudan in Cabdi hawd uu hiddo aroorayo isagoo ka sinji qaba oo awoow u ahaa tiir ka mida tiirarka suugaanta Somalida oo ah Axmed Abokor oo ku caanbaxay "Axmed Koorjaan". Isagoo arrintaa astaynayana waxa Cabdi gabayadiisa mid ka mida ku yidhi,
Maansada awoow caana iyo Caaddilkay baraye
Murtida Cabdi Hawd fasiraad iyo faallo dheeraada uma baahna ee anigoon idin daalin ka durduurta dhawrkan gabay ee aan ka helnay suugaantiisa mawjadda ah.