|
|
 |
|
 |
| |
| |
| |
Caateeye
Jugux,
(HJ)
Caateeye
iyo
Wiilkuu
adeerka
u ahaa.
Caateeye Juguc oo geed shir loo fadhiyo ku sugan ayaa laba nin
oo walaalo ah dagaallameen oo midba kan kale damcay inuu dilo.
Caateeye oo walaalkiis gacantiisa ku baxay baa arrinkaasi soo
cusuusiyey denbiguu galay wuxuuna halkaa ka tirshey gabay aan
erayadiisa ka xasuusto.
Anigaan warma iskala dhaceen waraci
dheeraaye
Caateye markuu intaa yidhi ayaa waxa geedkii ka kacay inan uu
adeer u yahay oo uu dhalay marxuumkii Caateeye Jugux
gacantiisa ku baxay. Wiilkii yaraa wuxu yidhi isagoo Caateeye
Jugux dhaleecaynaya.
Caateeye weerroow haddaad waxun ka
tiidaysid
Maxaad waracyadii kula dhashay ugu waraabowdey
Caateeye ma jeclaysan wiilka yar ee uu adeerka u yahay iinuu
isagoo beesha gabyaa u ah magacna ku leh ceebeeyo wuxuuna
bilaabay inuu wiilkii Halxidhaaleeyo.
Halxidhaalayaashaas oo geyiga Cayn, Saraar, iyo gubanba caan
ka ah waxaan nasiib darro ka xasuusto dhawr tuduc oo u dhacay
sidan;
Caateeye wuxu yidhi isagoo xujeynaya wiilkii;
Shan hal oo aan xalay qafilay maraan
qoyskayaga joogey
Haddaad gabay nin Qaari'i ku tahay qaafka ka hingaadi
Haddii kale qatalantee ka joog qiro lagaa roone
Nin Billaawe lagu soo qabtoo qoorta laga gooyey
Oo aan qudhiisuna baxayn quruxna waayaynin
Haddaad gabay nin qaaraca ku tahay qaafka ka hingaadi
Haddii kale qatalantee ka joog qira lagaa roone
Wiilkii baa yidhi isagoo hal raacaya adeerkiis Caateeye
Nin Billaawe lagu soo qabtoo qoorta
laga gooyey
Oo aan qudhiisuna baxayn quruxna waayaynin
Qalbigaan ka fiirshee haddaan qoodhya-xero sheego
War sow Inan yaroo Buuryadii qaar la jaray maaha
Caateeye wuxu hadana yidhi;
Gudcur qam ah habeen qaarki tegey
qawyo kala oodan
Nimay labada dhaayood qam tahay oon cidina qaadaynin
Oo haddana meesha uu qabo is yadhi qayb u garanaaya
Haddaad gabay nin qaaraca ku tahay qaafka ka hingaadi
Haddii kale qatalantee ka joog qira lagaa roone
Wiilkii isagoo furaya halxidhaalahaas wuxu u celiyey adeerkii;
Gudcur qam ah habeen qaarki tegey
qawyo kala oodan
Nimay labada dhaayood qam tahay oon cidina qaadaynin
Oo haddana meesha uu qabo is yadhi qayb u garanaaya
Qalbigaan ka fiirshee haddaan qoodhya-xero sheego
Qaafada haween iyo Raggoo laysu qoray weeye.
Dood-Suugaameedka dhexmartay Caateeye Jugux iyo wiilkuu
adeerka u ahaa waxay maalintii oo dhan socoto oo rag isu
daawadoba waxay ku danbeeysey in markii Caateeye Loodin kari
waayey wiilkii uu habaaro. Tixda uu ku Guhaamayo wiilka oo
inta ka dheerayd waxan ka xasuustaa.
Wiilyohow
qaliif
noo
kacoo
qaaddiyaad
tahaye
Qufac
lagu
daf
sii
qaaxadaa
Durey
la moodaaye
Waxaa taariikhdu werisaa in wiilkii uu ayaamo ka dib dhintay.
|
|
|
|
 |
|
 |
|
