| |
Caabbi Nuur Raage oo ay dhashay Ina
Nuur Ammaan oo Xirsi Ammaan la dhashay ayaa inaabtidiis doonay. Gabadh
abtigiis wuxuu la rabay nin xoolo leh markuu dareemay inuu damac ka galay
Caabbina waa uu uga xila furay. Caabbi oo ay inanta is laab doonayeen ayaa
samri waayey markaasuu isagoo dagaal Ciidagale qaadayo abbaanduule ka ah
ayuu damcay inuu gabadhii sii arko halka arrini ka taagan tahayna uu toydo.
Gabadhii waxay damacday inay sooryeyso raashinna waa u keentay. Caabbi nin
raashin u jeeda maahane wuxuu u sheegay gabadhii inuu duullaan u baxayo oo
uu doonayo inay u ged-bixiso waxa ay ka damacsan tahay. Isagoo gabaygan aan
dhammayn arrinkaas ugu sheegayana wuxuu yidhi:
Dalka
kala fog dabadii Gashxoor, gudubka Doocaale
Geeddiga dillaamee u kacay, deyrki Qudhacweyne
Geelaa shisheeyaa la degey, nimanka Daarooda
Sida doonni Naakhuudihii, diiradda u qaaday
Ama niman direysloo dhambaal, duhurki loo dhiibey
Degdegsiinyo socod baan ahaa, duni ma xaalayne
Dartaabay kabuu ii jareen, diiray boqontiiye
ku dib jirey dermadan goonniyeen, dani i yeelsiine
Dabkii waa baqtiyey xalay .. fiidki dabadeede
Bur la dubay bariis lagu dallacay, daawi lebenkeeda
Nin daryeel ku qabay baan ahaa, degelladoodiiye
Haddaan dhuuni doon ahay anfaco, dagan ma waayeene
Hadalkii aan kaa doonayey, diidmo iyo raacis!
An dardaarannee maad miduun diirka ka caddaysid.
|
|
More
