Voice over Internet Protocol, also called VoIP, IP Telephony, Internet telephony,Broadband telephony, Broadband Phone and Voice over Broadband is the routing of Voice conversations over the Internet or through any other IP-based network
	Bashiir Ismaaciil	Colaad Sokeeye
	Ciidagale
	Colaad Sokeeye
	Gabaygan waxaa tiriyey Bashiir ismaaciil mire oo ah raga aad iyo aad ugu dhuun daloola suugaanta ahna raga taariikhda reer soomaaliland iyo soomaalida kaleba aqoonta u leh,haddii ay noqoto qabiil ahaan iyo haddii ay noqoto dhul ahaanba gaar ahaan reerka la yidhaa ogaadeenka oo uu u tiriyey gabayo aad u tiro badan. bashiir ismaaciil mire Wuxuu gabaygan tiriyey 21/2/92 wakhtigaa oo bashiir ku sugnaa carriga ingiriiska magaalada London gaar ahaan xaafada stone bridge ee galbeedka London. Bashiir ismaaciil mire gabaygan isagu magac umuu bixin sida uu sheegay markii uu gabayga samaynayay oo Wuxuu yidhi idinku hadaa dad weynaha tihiin magacaa doontaan ugu yeedha. Bal hadaba bashiir ismaaciil mire isaga oo aan aad ugu faraxsanayn amaba aynu odhan karno aad iyo aad uga xun warka uu maqlay ee ahaa in colaad sokeeye ka dhacday wadankiisii hooyo ee uu u hanka weynaa, ee mudada dheer loo soo halgamayay ee ay dadka aadka u tirada badani naftooda u soo hureen ayuu gabaygan tiriyey waxaanu yidhi gabayaagu.   Hadduu gabay hidiyo dhaxal galiyo, dooda lagu dhaato Tilmaantiisiisa dheer waanigii, dhaabbi jiray waaye Dhamaanna maayo wiil naga dhashoo, goolka dhaliyaaye Dhawaaqqii Gahayr iyo Salaan, culimadii dhaartay Halkay odayadii hore dhigeen, dhaqanka duugiisa Ana dhaafin maayee balaan, sii dhex galo weedha, Abaar dhaharatiyo milicda iyo, dhamacda jiilaalka Diraac dhabana haysiyo kaliil, oon la dhegga beelay Dhugayada haraadkiyo markay, dhacartu weehawdo Dhunquluulka liitiyo marbaad, dhuunyataa moqore Marbaad dharrabka moodaa biyiyo, rays dhowaan da’aye Dheddedda iyo ceeryamadda iyo, foore dhaxameedka Dhalanteedka kuu baxa marbaad, doog ku dhabataaye Galsho dhuraya joogtiyo markay, haradu dhooqoowdo Daba goosi dheer maalintaa, dhaanka loo qabaye, Rati toban gu’ iyo dhawr jir iyo, baarqabkii dhaartay Dhuumaha la saar haamihii, dhumucda weynaaye Dumarna kala dhaqaaqyoo markaa, qaarba dhinac raacye Dhal magaalo kuma beegsatiyo, tii dhalaan jaqaye Dharaar qudha haday guri lahayd, kuma dhowaadaane Dhigta iyo habluhu udubka iyo, kebeda dhawr jaada Tobaale dhibicaaysanoo, shaalka lagu dheehay Isku joog dhalaaliyo hablii, dhigayay googooska Dhirtana diiri jirayee yiqiin, dhaqanka weeyaanee Dharaartaa gashaantida dhabta ah, xadhiga loo dhiibye, Mar haday hogaanka u dhuftaan, dhaanto lagu qaadaye Dheemaalka guuraa iyagoo, sii dhanbalay meel fog Dhinac tu’iye ceelkii iyagoon, welli dhibaatoone Dhakhsona waxay u buuxshaan wixii, weel la soo dhigo’e Hilayga iyo ma dhaafaan furkee, dhaadimaa xidhaye Markay awrtu dheregtee, rakaad cilso dhawr jeerna Mar labaad ku dhacadiidiyoo, dhoocilkii raraye Dhabbaday yaqaaniin waddada, toobiyaha dhoowe Dhinacna kama maraan raadka hore, waa u dhiganyaye Geeraarka dheer bay tirshaan, dhool maxay tidhiye Dhawaaqoodu waa hees kalgacal, lagu dhegeystaaye Iyagoo dharaar iyo la sugay, maalmo dhalandhoola Dhanka laga filaayaa tilmaan, dheer la sahanshaaye Markay soo dhowaadaan meshxerrada, looga dhagac siiye Dhallaankii duleedada tubnaa, farxad la dheeldheelye Rarkana laga dhig inna toosankii, hawsha dheer galaye, Dhibtase laguma waaree cirkoo, dhaysta midabeeyey Gu’ dhabriile iyo baa ku xiga, dhoobbo iyo dooge Mahiigaan dhurmaayiyo raxmaad, dhinacyada u hooray Onkod laba dhacaayiyo kolkuu, reenka dhimi waayo Uu taaha dhoowr jeer lalabbo, guuxa laga dhuunto Eey fiintu wada dhawrsatee, baqaa wada dhawaaqaysoo Sida aar dharaar qaday markuu, dhuunta ka higoodo Mawjadaha dhaadheer hillaac, kala dhex qaadaaya Dhulkana wada iftiinshaa jiruu, mawluhu u dhigaye Duufaanka dhiirani kolkuu, dhirraha laynaayo Gantaalaha is dhaafiyo marbuu, danabka dhiibaaye Dharaartaa haweenkii miyigu, dhababe mooskiiye Dhibna kuma lahoo taana, way dhalan yaqaaniine, Qaxootigase dhowaan yimi intuu, waab dhabdhabay oodda Taanbuug dhanbuuqa leh kuway, danni dhigtee joogay Ma dhidbana dhulkana looma qodin, dhaxanna waa tiiye Dhudhumo uu ku joogsado maliyo, tiira dhumuc weyne Gidaar lagu dhaweeyaa ma jiro, waa ban dhaygagahe Surrad loo dhigiyo saamihii, wadda dhalaalaayey Xakab laga dhex tuuriyo ma laha, dhig iyo foodsaare, Durba dhinac banaanaa intuu, sii dhanbuuqsadaye Kana dhex qaaday laydhii dadkii, mooday hoy dhabahe Dhufatayoo dabayshii ridoo, goor horuu dhacaye Kuwa dhagaxanyaalihii ka helay, gegga banaana dheera Eey gaydhu dhabanaanisiyo, dhibicdii soo hoortay Ummushii dhashiyo kay dhashee, dhuunta gelinaysay Ee naaska dhuunyanayayeen, dunnibba dhaadaynin Waxba uma dhexeeyaan daadkiyo, dhinaca feedhaa’e Dharaartay rajada soo galeen, dib u dhiskii joogay Dhereg iyo kalgacal bay fisheen, soo dhoweeyn badane Kuwii cadawgu dhuuxee horoon, meel la dhigahaynin Inaa kala dhantaashaan mar kale, meesha may dhigane Miyaa dhega la’adiin xaalku waa, sii gun dheeryahaye, Afartaa tilmaan aan dhinayn, dhidinka maw aasay Ma dhameeyey beyd gaabku wuu, kala dhantaalaaye, Dhakhsose waxaw iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Shacabkii dhameeya iyo la yidhi, ruuxka dhaqan diida Ee la yidhi dastuurkaa dhigaye, dhaca adduunkooda Ee la yidhi ninkii dhagar ka gala, derajada u dhiiba Ee la yidhi askari dhiiranoow, dhaxalka qayb sheego Ee la yidhi dhismihiyo daarrihiyo, moodka uga dhaarta Dharaartaa ninkii lacag hayana, jeel u dhaadhiciya Dabadeedna laaluushka dhura, way ka dhigayaane Ee la yidhi ka wada dhoofiyoo, yay dhulkaba joogin Dabadeedna qaar aan u dhalan, dhiga badaalkooda, Dharaartay rajadda soo galeen, dibu dhiskii joogay Dhereg iyo kalgacal bay fisheen, soo dhoweeyn badane Kuwii cadawgu dhuuxee horoon, meel la dhigahaynin Inaa kala dhantaashaan mar kale, meesha may dhigane Miyaa dhega la’adiin xaalku waa, sii gun dheeryahaye, Afartaa tilmaan aan dhinayn, dhidinka maw aasay Ma dhameeyey beyd gaabku wuu, kala dhantaalaaye, Dhakhsose waxaw u iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Gobta dhimatay reeraha dhacmiyo, dhiiladiyo hooga Dhabreelaha goblamay gaariyihii, dhaxanta loo saaray Ee kaare dhinacyaynayaa, hooyga uga dhaartay Uu dumiyey dhawr jeer intuu, dhab u ilaalaystay Hablihii dharkii laga furtiyo, dahabka dhuuntooda Dhalaan iyo caruur aabbihii, dhiqi lahaa waayay Agoontaasi dhexdeenay ilmada, dhabanka duugeene Dhalin yarada naafaha ah, iyo dhaawac tiro beelay Waayeel da’a dhabanaanisiyo, taawsi dhinac taala Oon orodka dheeraynahayn, xoogga wuu dhimaye Oo way kala dhaqaaqeen wax orod, socodna dhiireeyey Dheguhuna cuslaadeen intee, waranka loo dhiibay Oo lagu dhugtamay wiilashuu, dhaliyo reerkiiba Oo weliba dhaqan dooris iyo, dhaanto lagu qaaday Dharaartay rajadda soo galeen, dibu dhiskii joogay Dhereg iyo kalgacal bay fisheen, soo dhoweeyn badane Kuwii cadawgu dhuuxee horoon, meel la dhigahaynin Inaa kala dhantaashaan mar kale, meesha may dhigane Miyaa dhega la’adiin xaalku waa, sii gun dheeryahaye, Afartaa tilmaan aan dhinayn, dhidinka maw aasay Ma dhameeyey beyd gaabku wuu, kala dhantaalaaye, Dhakhsose waxaad u iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Waxase ay ka dhigantahay hadaan, dhinac ka faaleeyo Ninka waalidkii bahal la dhacay, miciyo dhaadheerli Ee dhababaceeyee ka riday, dhaawac kaga reebye Dhakhtar iyo halkuu geyn lahaa, dhaymo nololeedka Isna dhuunta toorida ka sudhay, dhaqankii sow maaha, Afartaa tilmaan aan dhinayn, dhidibka maw aasay Ma dhameeyey beyd gaabku wuu, kala dhantaalaaye, Dhakhsose waxaw u iloowdaan wixii, aad dhib mudateene Dhextaalkeeda maansada ninkii, dhaadayaa garrane Tanna dhawra way idiin hadhaye, aad dhandhamiseene, Dhayal maaha weedhiyo warkani, aan dhiig ku soo qoraye Sambabada dhexdoodiyo haddaad, dhuunta gelin weydo Dhinacyadiyo feedhaa hadaanad, buuga ugu dhiibin Hadaan beerku dhuunniga u noqon, raashinka u dhiiba Wadnuhuna xusuus dheer haduu, dhawda fidin waayo Maskaxdaada dhewr jeer haday, soo dhex gelahaynin Oonay dhibicda faalaynahayn, muranka dhiilaysan Dhegahaaga waanada hadaanad, fiiro ugu dhiibin Dharaarii ku soo maray haddaad, hoos u dhugan waydid Wixii dhacay shalaytana hadaanad, maanta dhinac joojin Haddii aad ku dhaaf uun tidhaa, raaxadaad dheregtay Dabaylaha dhacaayiyo warkaa, dhaaxo kuu simane Xooluhuba way dhuunyadaan, raashin loo dhigo’e Dhalmana way yaqaaniin, waa taranta dhuuxeede Hadduu bahal soo dhacanna, way dhababaceeyaane Bal maxaad ku dhaantaa hadaan, talladda kuu dhiibo, Afartaa tilmaan aan dhinayn, dhidibka maw aasay Ma dhameeyey beyd gaabku wuu, kala dhantaalaaye, Dhakhsose waxaw u iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Waanada dhameeyaye hadaan, dhinac kale u leexdo Dhawaaqqii burcaa qaar tilmaan, dheer ka bixiyeene Daray naga dhaxaysaa is yidhi, dhimatay guushiiye Geesi xiddido dhaardheer ma rido, laydh xagaa dhacaye Ma dhawrsado dhibtiyo geeridiyo, dhiigu way sharaf’e Dheeraad nin doonaa ma helo, dhaabadaan dego’e Hidahaygu dheeldheel ma galo, dhaadashada guude Dhaqankayga lama doorin karo, dhimasho mooyaane Dhalaanka iyo haweenkaygu waa, dhiiga hurayaale Dhalashadu waxay diidantahay, way ka dhididaane Dharaartay dagaal tahay libtiyo, guushu way dhalad’e, Waataan ka dhiidhiyey markay, dhagartu taagnayde Waataan dhunkaasha iyo suntiyo, dhidhiyey waabaye Dhulkoodii kumay noqon kuwii, haadka loo dhigaye Dibna may u dhoofine kuwii, dhaxalka soo doontay Dhanka aakhiray wada jiraan, naarta lagu dhoobye, Dhuun gooye aariyo libaax, kayn dhabacanaaya Shabeel booda dheerinaya, dhirraha guudkooda Harimacadka neefkuu dhufsado, kaynta ugu dhuunta Weeraha hadduu adhi dhex galo, tirro dhamaynaaya Dhurwaagiyo waraabaa dhiciyo, dacawga dhoosleeya Guduudane bakhtiga dhuuyadiyo, dhuuflihii xoorka, Guduudane bakhtiga dhuuyadiyo, dhuuflihii xoorka Dhuuryadda hilbaha quudatiyo, baqaye dhiilaysan Dhuun diirka duulee hawada, soo dhambala meel fog Gorgor laga dhanbuugsado markuu, dhacayo yoonkiisu Ooy dhan uga yaacaan markuu, soo dhex galo haadka Dhiraa toosiyaa taharta iyo, dhuuxa wada siiba Tukaha dhawrsadiyo xuurta iyo, xuunsho dhabandaada Inta dhiiga uun sanisee cuntiyo, habar dugaag oo dhan Mid weliba sarkaal dhinacyo weyn, wiil ka dhigay waaye Kornayl dhaadanaa iyo askari, saajin dhagaraysan Markay janan dhandhamiyaan ducay, noo dhig dhigayeene, Afartaa tilmaan aan dhinayn, dhidinka maw aasay Ma dhameeyey beyd gaabku wuu, kala dhantaalaaye, Dhakhsose waaw u iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Dhulka aan xoreeyey iyo hadaan, calanka dheer saaray Dhayal laguma keenine raggbaa, dhiiga hoorsadaye Dhamac iyo daba loo mariyo, dhuxulo naareede Rasaas laba dhacaysaa wax badan, laabta loo dhigaye Dhuun gooyihii iyo deyrkaan, dhaafi jirey waaye Dhabadiisa oo maydkaa waddada, dhiibsanaan jiraye, Afartaa tilmaan aan dhinayn, dhidinka maw aasay Ma dhameeyey beyd gaabku wuu, kala dhantaalaaye, Dhakhsose waxaad u iloowdaan wixii, aad dhib mudateene Dhextaalkeeda maansada ninkii, dhaadayaa garane Tanna dhawra way idiin hadhaye, aad dhandhamiseene, Hadhka dheeliyo waa adduun, dhinac boglayntiiye Dharaarta iyo habeenkaa is xiga, labad fiid dhawre Gudcur dhuxula iyo maalintaan, kala dhamaanayne Dhababaciyo orod way sinmaan, orodka kii dheere Hadan midna dhaafi kari waa, hadana kii kale dhaca’e Way is daba dhunyaalaan sidii, awrta dhaqanka ahe Qorax dhalatay baan arkaa, iyo waa dhalaal badane Dhinacyada hareeraa waxay, fidisay nuur dheere Daruuraha ku dhow midabadaa, dhawrba jaad yahaye Jeegaan dhaba u sahamisaa, dhiibtay faraqiiye Dhulka hoose waa doog biyuu, wada dhex joogaane Dhagaxa iyo ciidiisuna waa, dheeman iyo luule Dhegtii baa dhinbiil iyo maniyo, bixisay dhaameele Waana laga dhursugayee hadduu, dhiiqayaa malabe Manay dhaline hoobaan haday, fidisay dhaystiiye Dambarkii ku soo dhacay hadaa. naasku dhiibsamaye Cadaalad lagu dhiijiyana hadaa, dhiilka loo culaye Quraankaan ku dhaartiyo sharciga, diinta noo dhigane Haddii aan la dhaadhiyina waa, wada dhergeysaane Dhamaantiin illaashada yay, maanta fool dhicine Dudadeeda dheere muskana, ooda dhacan saara Cadowna kaama dheeree, ha noqon seexde dhamadaada. Waxa qoray: Cabdirisaaq Yuusuf Cubuli < Mahadsanid
	Abwaanka gabay ma ka haysaa? Halkan noogu soo tebi
	Name: Email Address: Magaca Abwaanka Halkan ku qor gabayga

Copyright ©2007 Hoygasuugaanta.com